Swiggy — ID Block without knowing my point of view.

Dear Sir,

ID: 1379665

Sir main delivery partner hoon mera account block kar diya gaya hai. Mujhe koi reason nahi bataya gaya direct block kar diya gaya. Jab bar bar help mein maine connect karke pata kiya tab bataya gaya ki maine customer ko force karke order cancel karvaya hai... to sir main yaha batana chata hoon ki force karna hota to mere last 6 months mein 3 hi order cancel kaise hote?? Aap mera account check karke dekho mere order cancel hi nahi hote hain main sab deliver karta hoon koi fraud nahi karta..

Jin 2 orders ka mujhe bataya gaya hai unka excect mujhe nahi pata lekin mere paas last 2 month mein 2 orders ke saath problem hui thi vomain yaha mention kar deta hoon.

1st order jo tha vo deliver karna tha ek girls hostel mein aur order raat 12 baje aaya tha maine location pe jake call kiya lekin koi answer nahi mila maine help mein jake customer not reachable daal diya to mere paas customer care se call aaya maine unko bata diya ki kya problem hui hai uske baad unhone try kiya... tabhi vaha watchmen aa gaya to maine call pe hi customer care executive ko puch ke watchmen ko order deliver kar diya.

2nd time aisa hua tha thode din pahale main order (roti aur paneer ki sabji) deliver karne gaya jab location pe gaya to customer ne bola bhiaya order cancel kar de maine mana kiya ki sir main nahi kar sakta aap customer care baat kar lo... vaha 4-5 ladke the to unme se ek ne bola ki khana to hum lenge hi baki paise nahi dene vale tu dekh le tere ko jo karna hai kar... maine bola sir main garib aadmi hoon aisa mat karo aapke 200 rs ke chakar mein mere problem ho jayegi... lekin vo 4-5 the to main kuch bol nahi paya aur chupchap order unko de aaya ki koi baat nahi mere charge kar jayega to main bhugat lunga... lekin maine order ko deliver mark nahi kiya 2 min baad hi order cancel hone ka msg aaya aur app mein siren baj gaya... to main chup chap aa gaya ki charge mere ka jayega..

Ye 2 incident mere saath hue ab isme meri kya galti thi jo mera account block kiya gaya... mujhe kal evening mein bataya gaya ki maine customer ko force kiya hai... are kabhi aap rider ko call karke bhi to puch sakte ho ki aapne aisa kiya ya nahi... lekin kabhi koi call nahi aaya bas block kar do kitni galat baat hai ye.

Iske saath mujhe bola gaya ki meri id ab kabhi chalu nahi ho sakti hai... ye galat baat hai bina rider se baat kiye aap aise block nahi kar sakte ye galat kiya gaya hai.

Aur last baat main 6 months se kaam kar raha hoon kam se kam account to check karo, mere itne time mein sirf 2 order cancel hue hain aur ek order galat deliver hua jiske detail maine uper de di...

Regards